Fréttir

Uppákomur og fyrirlestrar á Norrænni Bókmenntaviku

Það var glatt á hjalla hér í vikunni. Baldur Pálsson, Íris Randversdóttir og Þór Ragnarsson komu í heimsókn og lásu upp eða sögðu frá. Allir nemendur skólans tóku þátt í "borðsvari" - spurningakeppni úr norrænum bókmenntum og vasaljósalestri á sal með kakói og piparkökum í lokin.
Nánar

Jól í skókassa

Í síðustu viku var skiladagur fyrir verkefnið Jól í skókassa í Fellaskóla. Það söfnuðust um 40 kassar sem sendir voru til Reykjavíkur í móttöku KFUM/K. Kassarnir fara síðan í gámi til Úkraínu og er dreift þar meðal barna og unglinag sem eiga um sárt að binda sökum fátæktar og stríðshörmunga.
Nánar

Jón Hilmar í heimsókn

Tónlistarmaðurinn Jón Hilmar Kárason kom í Fellaskóla miðvikudaginn 24. október og hélt tónleikana "taktu sóló" fyrir alla nemendur skólans. Jón er fær gítaristi og leyfði okkur að heyra valin verk. Jón Hilmar talaði út frá orðum BRAS-listahátíðarinnar um að ÞORA- VERA - GERA og um hvað það sé mikilvægt að stefna á drauma sína og láta ekkert aftra sér á þeirri leið.
Nánar

Breskur sagnaþulur í heimsókn

Föstudaginn 19.okt kom breski sagnaþulurinn Katy Cawkwell í heimsókn í Fellaskóla og sagði 5.-8. bekk frá. Hún hefur verið starfandi sagnaþulur í Bretlandi í yfir 20 ár og er nú að koma hingað til lands með stuðningi The British Arts Council til að koma list sinni og aðferðafræði á framfæri. Katy kennir einnig frásagnarlisst og heldur námskeið í þeim tilgangi. Hún hefur áhuga á að vinna með börnum og þess vegna langar hana að koma í skóla hér fyrir austan og segja nemendum sögur. Hún gerir það á ensku en sagnamennska hennar felst ekki síður í leikrænni tjáningu þannig að tungumálið ætti ekki að vera fyrirstaða fyrir því að börnin nái að skilja það sem fram fer. Nemendur Fellaskóla tóku Katy vel og skemmtu sér við enskar frásagnir í leikrænni túlkun hennar
Nánar

Lesvinir

Núna í vetur er áherslan á bókvit í Fellaskóla. Undanfarna mánudaga hafa nemendur lesið, spjallað eða skoðað með sínum lestrarvin í 20 mínútur snemma á morgnana. Lesvinirnir eru pör nemenda á mismunandi aldursstigum. Það er gaman að sjá hve ungir sem aldnir hafa gaman af að hittast og eiga stund saman.
Nánar

Pétur og úlfurinn

Laugardaginn 29. sept kl 11:00 verður sýning um Pétur og úlfinn í Fellaskóla. Pétur og Úlfurinn eru líflegir fjölskyldutónleikar þar sem kvintettinn NA5 ásamt sögumanni flytja hið sívinnsæla verk eftir Sergei Prokofiev. Sýningin er 25 mínútur að lengd og í lokin fá börnin að hitta hljóðfæraleikarana og skoða sjálfan úlfinn! 1000kr. aðgangseyrir, ókeypis fyrir 16 ára og yngri. Sjá nánar á https://www.austurfrett.is/frettir/bornin-eru-alveg-dolfallin
Nánar

Göngum í skólann

Fellaskóli tekur þátt í verkefni Íþrótta- og Ólympíusambandi Íslands. Megin markmið verkefnisins er að stuðla að virkum ferðamáta barna úr og í skóla. Foreldrar eru hvattir til að skoða öruggar gönguleiðir og huga að umferðarreglum með barni sínu. Ávinningur þessa átaks og annarra álíka er að auka hreyfingu, draga úr umferðarþunga, minnka mengun og hraðakstur nálægt skólum.
Nánar

Kynningarfundur þriðjudaginn 18.september kl 17:30

Kynningarfundur verður þriðjudginn 18. september kl 17:30 fyrir nemendur og foreldra Fellaskóla. Skyldumæting er á viðburðinn. Byrjað verður á stuttri kynning á sal fyrir alla, því næst fara nemendur ásamt foreldrum í sína umsjónarstofu og fá stutta kynningu um nám vetrarins. Í lokin verður boðið uppá kjötsúpu og kakósupu. Sjáumst og eigum notalega stund saman.
Nánar

Útivistardögum lokið

Nú er útivistardögunum okkar lokið og nú tekur við nám samkvæmt stundartöflu. Við ætlum þó að vera í útiíþróttum fram um miðjann september mánuð og nota góðviðris daga í útiveru. Stóri göngudagurinn gekk vel og fóru elstu nemendurnir yfir Hallormsstaðaháls, miðstigið í Bjargselsbotna (í Hallormsstaðarskógi) og yngsta stigið gekk um skógarsafnið, Atlavík og Höfðavík.
Nánar