Forsíða

Lið Fellaskóla varð í öðru sæti í æsispennandi keppni Skólahreystis hér Egilsstöðum. Fulltrúar okkar í liðinu voru Kristján Jakob 10. b, Jón Aron 10. b, Jónína Vigdís 9. b, Krista Þöll 8. b og varamenn Njörður 10.b og Hrafnhildur Margrét 10. b. Við óskum þessum snillingum innilega til hamingju með annað sæti og erum ákaflega stolt af þeim.

Núna í vikunni héldur bekkjartenglar í 7. bekk í annað sinn í vetur bekkjarkvöld fyrir nemendur 7. bekkjar og foreldra þeirra. Í fyrraskiptið lærðu krakkarnir reglur félagsvistarinnar og núna í seinna skiptið var spilað af miklum móð og borðaðar pizzur. Góð mæting foreldra og nemenda var á bæði kvöldin og almenn ánægja með uppátækið. Bekkjartenglar annara bekkja eru hvattir til að hafa samverustund nú á vordögum. Ekkert er eins gott fyrir bekkjaranda og samskipti milli barna og foreldra eins og að hittast og eiga góða stund saman.

Í dag var haldin Stóra upplestrarkeppnin hjá nemendum í 7. bekk Fellaskóla. Lesið var upp á sal skólans og voru allir nemendur 5.-10. bekkjar sem hlustuðu á, auk foreldra og starfsfólks. Dómarar í keppninni voru Jarþrúður, Þór og Arndís. Þeir sem fara fyrir hönd skólans í úrslit stóru upplestrarkeppninnar á N-Austurlandi eru þeir Heiðar Árni Ægisson og Ragnar Torfason. Varamenn eru Droplaug Dagbjartsdóttir og Gyða Árnadóttir. Allir nemendur 7. bekkjar sem tóku þátt voru frambærilegir, þannig að sómi var að allri keppninni og undirbúningi hennar sem Sólrún Víkingsdóttir sá um. Tónlistaratriði komu frá tónlistarskólanum og Steinunn Ásmundsdóttir las upp ljóð.