Styrkleikar Fellaskóla

Nemendur og starfsfólk Fellaskóla sýndu samstöðu í verki síðastliðinn mánudag þegar viðburðurinn Styrkleikar Krabbameinsfélagsins fór fram í skólanum. Við fengum góða gesti frá Krabbameinsfélagi Íslands sem fræddu viðstadda um þennan mikilvæga málaflokk.

Dagurinn hófst á áhrifamiklum og fræðandi fyrirlestri í hádeginu þar sem allir hlýddu á erindi frá fulltrúum félagsins. Í fyrirlestrinum var farið yfir hverjir væru í mestri hættu á að greinast með krabbamein og hvaða forvarnir og lífsstílsbreytingar fólk getur tileinkað sér til þess að draga úr líkunum á að fá meinið.

Gengu til styrktar góðu málefni

Að loknum fyrirlestri færðist dagskráin út á íþróttavöll þar sem samstaðan réð ríkjum. Hver bekkur skólans gekk einn hring í kringum völlinn. Í lokin kom röðin að starfsfólki skólans sem gekk sinn hring með dyggri aðstoð og hvatningu nemenda.

Hápunktur dagsins var svo vafalaust þegar allir viðstaddir sameinuðust á vellinum og mynduðu eitt stórt hjarta. Með þessu táknræna og fallega dæmi sýndi skólasamfélagið í Fellaskóla stuðning sinn við alla þá sem hafa fengið eða glímt við krabbamein.